حبیبیم، بو نزاکتده گۆل-رعنادان آرتیقسان
حبیبیم، بو نزاکتده گۆل-رعنادان آرتیقسان،
سراسر نخل-عرعر، طوبی-زیبادان آرتیقسان.
جاهان مهوشلری خاک-درینده چاکر-کمتر،
سریر-حۆسنده اؽسکندر و دارادان آرتیقسان.
سنین بیر تار-مویین مۆشکونو بو عالمه وئرمن،
منیم یانیمدا، بالله، سن ایکی دۆنیادان آرتیقسان.
قاشین طاقین قویوب محرابه هرگیز قؽلمانام سجده
کی، سن یۆز مرتبه اول کعبهی-عۆلیادان آرتیقسان.
اگر من واقیفم – فرهاد ایله مجنوندان اعلایم
اگر سنسن – هامان شیرین ایله لئیلادان آرتیقسان.