منو
یئنه منی یانار-یانار اودلارا
یئنه منی یانار-یانار اودلارا،
داغیلمیش آیریلیق سالدی، سئودیگیم!
من ها گئتدیم مؤحنت ایله، درد ایله،
جان سنین یانیندا قالدی، سئودیگیم!
سیاه زۆلفون بوخاق آلتدا قایریلیر،
آلا گؤزلر جان آلماغا سایریلیر،
جاناندان آیریلان جاندان آیریلیر،
خالق ایچینده بیر میثالدی، سئوگیلیم!
سرو قدّین صنوبره تن دئییل،
تامام سنین تکین گۆل‌بدن دئییل،
دخی ازلکی تک سن گؤرن دئییل،
ایندی حالی یامان حالدی، سئودیگیم!
قاشلارین قورولو یای تک چکیلیر،
کیرپیکلرین دییر، جیگر سؤکولور،
دانیشاندا قند و شکّر تؤکولور،
دیلین، دوداقلارین بالدی، سئودیگیم!
اول خدیجه حاقی، سکینه حاقی،
خیرالنسا حاقی، امینه حاقی،
کعبه، مکّه حاقی، مدینه حاقی،
دردین بو واقیفی آلدی، سئودیگیم!
داغیلمیش آیریلیق سالدی، سئودیگیم!
من ها گئتدیم مؤحنت ایله، درد ایله،
جان سنین یانیندا قالدی، سئودیگیم!
سیاه زۆلفون بوخاق آلتدا قایریلیر،
آلا گؤزلر جان آلماغا سایریلیر،
جاناندان آیریلان جاندان آیریلیر،
خالق ایچینده بیر میثالدی، سئوگیلیم!
سرو قدّین صنوبره تن دئییل،
تامام سنین تکین گۆل‌بدن دئییل،
دخی ازلکی تک سن گؤرن دئییل،
ایندی حالی یامان حالدی، سئودیگیم!
قاشلارین قورولو یای تک چکیلیر،
کیرپیکلرین دییر، جیگر سؤکولور،
دانیشاندا قند و شکّر تؤکولور،
دیلین، دوداقلارین بالدی، سئودیگیم!
اول خدیجه حاقی، سکینه حاقی،
خیرالنسا حاقی، امینه حاقی،
کعبه، مکّه حاقی، مدینه حاقی،
دردین بو واقیفی آلدی، سئودیگیم!