منو
منیم یاریم سؽغاللانیب گلنده
منیم یاریم سؽغاللانیب گلنده،
ساناسان قان سۆزور دوداقلاریندان.
شؤعله وئریر زنخدانین چئوره‌سی،
نور تؤکولور گؤیچک یاناقلاریندان.
گردن چکیب، طعنه قؽلار قولارا،
حسرتیندن باغریم دؤنر سولارا،
پریلر ائولادی دئرلر بولارا،
بولار دا گؤزلدیر اوجاقلاریندان.
آغ سینه‌ن گؤزلدیر، گردن گؤزلدیر،
سراسر اندامین بیردن گؤزلدیر،
سرو قدّین صنوبردن گؤزلدیر،
قوللارین، توپوغون، بوخاقلاریندان.
دهانین صدفدیر، دیشلرین اینجی،
سن منی ائیله‌دین ائللر گۆلونجو،
لیباسین الواندیر، چارقات نارینجی،
ساچاقلار یاراشیر قؽراقلاریندان.
واقیفین دردینی بیله‌یدی یاری،
دردینه بیر درمان قؽلایدی یاری،
قدم باسیب مۆدام گله‌یدی یاری،
اؤپه‌یدیم الیندن، آیاقلاریندان.
ساناسان قان سۆزور دوداقلاریندان.
شؤعله وئریر زنخدانین چئوره‌سی،
نور تؤکولور گؤیچک یاناقلاریندان.
گردن چکیب، طعنه قؽلار قولارا،
حسرتیندن باغریم دؤنر سولارا،
پریلر ائولادی دئرلر بولارا،
بولار دا گؤزلدیر اوجاقلاریندان.
آغ سینه‌ن گؤزلدیر، گردن گؤزلدیر،
سراسر اندامین بیردن گؤزلدیر،
سرو قدّین صنوبردن گؤزلدیر،
قوللارین، توپوغون، بوخاقلاریندان.
دهانین صدفدیر، دیشلرین اینجی،
سن منی ائیله‌دین ائللر گۆلونجو،
لیباسین الواندیر، چارقات نارینجی،
ساچاقلار یاراشیر قؽراقلاریندان.
واقیفین دردینی بیله‌یدی یاری،
دردینه بیر درمان قؽلایدی یاری،
قدم باسیب مۆدام گله‌یدی یاری،
اؤپه‌یدیم الیندن، آیاقلاریندان.