دردی وئرک کۆلکلره،
آغلامایاق ایچین-ایچین.
توخوم سپک اۆرکلره،
خئیرخواهلیق گؤیرمکچین.
نور اول، اؤتسون زیل-قارانلیق،
اینام وارسا، سؤز قطعیدیر.
یاخشیلیقلا مهریبانلیق -
محبّتین قۆدرتیدیر.
بولاق کیمی سؽسقا آخما،
مردلیک جوشان گور دنیزدیر.
یاخشیلیغا عوض اومدون،
یاخشیلیغی یئره ووردون.
نامردلره مرد سؤیلهسن،
او ایلان تک چالار سنی.
سن مینّتلی چؤرک یئسن،
بوغازیندا قالار سنین.
داد یوخ، یادلار چؤرگینده،
حارام اۆسته اسن قؽشام!
الیم الله اتگینده،
کیمسهیه ال آچمامیشام!
حالاللیق وار، من ده وارام،
نولسون اوخوم دییر داشا!
تورپاقدا دا اویویارام،
پاک ویجدانلا من باش-باشا!
18-19 فئورال ۱۹۹۶