یئتمز منیم فریادیما!

آه، کیم هر گون یئتر مین غم دلِ ناشادیما
بیر گون اول بی مهر مه یئتمز منیم فریادیما
گولشنِ عشقینده کؤنلوم قان اولور. غنچه صفت
هر زامان کیم، ای گولِ رعنا، دوشرسن یادیما
بسدیر، ای گردون، منه هیجران غمی، طعنِ رقیب
سن نه حاجت داش آتیرسان خانهٔ بربادیما؟!
یئل ده ییب هر صبحدم، ائیلر خمیده قامتین
هر زمان ائیلر حسد، سرو اول قد شمشادیما
قتلیم اوچون دم به دم گردون جفا تیغین چکیب
حق اؤزو بیر رحم وئرسین رحمسیز جلادیما
کافیرم، وئرسم ا گر میخانه کونجون مسجیده
عیب یوخدور، قوی دئسنلر کفر عالم آدیما
وحدا، بو شعری یاز گؤندر حضور مذنبه(١)
نولا گر، اوستاددیر او، چکسه قلم ایرادیما

١تبریزلی شاعیر، مذنب مطلب زاده یه اشاره دیر.