خبرین یوخ سئوگیلیم،
بیر دۆنیادیر نیسگیلیم.
حسرتلی آییم-ایلیم
بیل حئسابا سؽغیشماز.
آرامیزدا دنیز وار،
نه یول، نه ده ایز وار.
اۆرگیمده چوخ سؤز وار،
بیر کیتابا سؽغیشماز.
گؤزللیگه قوخ نیجاب،
اۆزونه سالما نیقاب.
اۆزوندهکی ایضطیراب
او نیقابا سؽغیشماز.
ایچیمده یانار آهیم،
سنسن آرخام، پناهیم.
او قدردیر گۆناهیم
مین ثاوابا سؽغیشماز.
جهنم نه، بئهیشت نه،
والله گلمز عینیمه.
آتش گئیسم اینیمه
بو عذابا سؽغیشماز.
من عاجیز، فلک ظالیم،
دربهدردیر خیالیم.
زمانهده سوالیم
مین جاوابا سؽغیشماز.
۱۹۹۴