درین-درین اوچوروملار، ورملی فؽرتینالار،
بۆتون-بۆتون سؽقیب ازمکده روحومو بو گئجه.
سنینله، آه، سنین یاد-حسرتینله یانار،
یانار، سنی آناریم، دیلبریم! فقط سنجه،
بو بیر حیات-مۆخیّل، حزین بیر ایلنجه...
گؤزل ملک! گئجهلر دایما سمایه باقار،
قمردن، آه... او سولوق چؤهرهدن سنی سوراریم.
اونون ضیای-رقیقیله هپ اوچار، قالقار،
آرار، بولور، سنی دینلر کدرلی دویغولاریم،
کسیک ترانهلریم، هپ زهرلی قایغولاریم.
بۆتون جاهان اویویور، کاینات هپ دالغین...
مگر خیال-بعیدینله روح-مجروحوم،
قمرده بیرلشهرک پک آجیقلی، پک چؽلغین
بیر ایشتیاق ایله گیریاندیر، ای منیم روحوم!
سیزین اۆفوقده قمر بؤیله، پکمی نازلی دوغار؟
نهدن جبین-لطیفین سحابپوش-حیجاب!؟
هیرم-نازینه پرواز ائدن شۆعاع-نظر
قالیر ظۆلام-تحیّورده مۆنکسیر، بیتاب...