بیر زامانلار سنین پنبه کؤلگنده
پک بختیار ایدیم، نازلی دیلبریم.
هنوز بختیارلیق دویولماز منده،
یالنیز گۆلومسردی محزون گؤزلریم.
آیریلیق نه یامان درد ایمیش، آمان!
سنسیز حالیم گۆندن-گۆنه پریشان،
وۆصلت دملرینی آنار ده هر آن،
ایزلر یوللارینی یورغون گؤزلریم...
سنسیز بۆتون دویغولاریم بونالمیش،[1]
ذهنیم، فیکریم دورموش، هپ دونا قالمیش،
اویقوم چکیلمیش، کؤنلومو غم آلمیش،
یالنیز آرار سنی وورغون گؤزلریم.