منو
عاشیق-پریشان
همیشه فیکری بودور عاشیق-پریشانین:
او گؤزلریندن اؤپیدی، اولایدی قوربانین!
قاپینی باغلاما، ای باغیبان-حۆسن-جمال،
مۆرخّص ائیله منی بیر گؤروم گۆلوستانین.
خۆلوص-نیت ایله گلمیشم تماشایه،
ائشیتمیشم گۆل آچیب تازه نار-پۆستانین.
نه نار درمه‌یه گلدیم، نه گۆل بو گۆلشنده،
ندیر زیانی سنه خۆشگه بیر تماشانین؟
نظاره نقص یئتیرمز گۆلون لطافتینه،
داها گؤزللشی بارین سیلنده هئیوانین.
ریسوم-عشق و محبّتدن آنلاماز مۆفلیس،
بیلر دوشابی اولان لذّتین مۆربّانین.
نظاره قؽل، نئجه گؤر خالق فؤوج-فؤوج گلیر،
زیارت ائیله‌مگه کعبه‌ی-زنخدانین.
گۆلاب ایگی گلیر آغزیندان آشیکار سنین،
گۆل اۆسته نسب اولونوب یوخسا دۆرّ-دندانین؟
اگر دئیم لبووه قند، داهانووه گۆل-قند،
زۆجاج قلبی سؽنار پشمک ایله هلوانین.
دیلووی یاش رؤطبه اوخشادیردی شاعیرلر،
ایچینده چردگی گر اولمایایدی خورمانین.
غلطدی زۆلفووه رئیحان دئمک و یا مرزه،
او رنگ و بویی هانی مرزه ایله رئیحانین؟
او چشم-مستووه ائیلر فدا بیلاتردید
وئریلسه عاشیقه مالی تمام دۆنیانین.
او خال-شاه، او عاریض، او زۆلف-مار-سیه،
فدا اولوم سنه، اینجیتمه زیر-دستانین.
یازاندا بو غزلی نیصف-لئیل کئچمیشدی،
یاواش-یاواش ایشیغی تار اولوردو لامپانین.
خانیم آییلدی بو اسناده، گؤردو من یازیرام،
دئدی: -دو یات، کیشی، توزلو قالا قلمدانین!
تمام فیکرووو حصر ائتمیسن غزلیاته،
دۆشونموسن کی، کۆپو بوش قالیب قووورمانین؟
صاباح اولاندا جاوابین ندیر طلب‌کاره،
مگر وئریلمه‌یجک مالیاتی دیوانین؟
ایجاردار گۆذشت ائیله‌مز فقیره پولون،
"سرانه"نی دری‌سیندن چؽخاردی عۆریانین.
خودانکرده صفر بگ اگر گله غضبه،
یئرینده یئللر اسر یاستیق ایله یورغانین.
باشی بلالی اوغول بادیکوبه‌ده چالیشیر،
گرک یازیق آنا وجهین وئره مۆفاسانین.
"گؤر آل" رسمیدی گر، بس بو "گؤرمه آل" ندیر؟!
عجب نیظام قویوب حؤکمداری تئهرانین!
بیزی ساتیر سیزه بیر کله‌قند اۆچون مولّا،
او قند ایشله‌نه، یارب، یاسیندا مولّانین!
منی سنه وئره‌نی حق، گؤروم، ذلیل ائتسین،
کبین کسنده دیلی لال اولایدی آغانین!...
بو تلخ سؤز منی پرت ائتدی، بیلمه‌دیم نه دئییم.
دئدیم: وفاسینا، لعنت تمام نیسوانین!
بئهیشت-عدنده، ای کاش، حضرتی آدم
اولایدی کور، اۆزونو گؤرمه‌یه‌یدی حوّانین.
جاهاندا بیلمه‌دی عؤورت ندیر، اوشاق ندیر،
خوشا سعادتینه حضرتی مسیحانین!
سووای غۆصّه ندیر خئیری بونلارین کیشی‌یه،
نه نفعی وار، گؤره‌سن، بیزلره تۆکزبانین؟
ائشیتدی بو سؤزو عؤورت دوروب سراسیمه،
دئدی: تفاووتو چوخدو پیلوولا شوربانین.
دئدیم کی: خرجینه فرماییشیز ندیر پیلووون،
توتوب ایگیرمی تۆمن زربه‌ناره تومانین!...
-شبوستر اهلینه کافر ده اولماسین آرواد،
نه خئیری وار بیزه بو ایسم-بی‌موسمّانین!
اون ایل گئدر، گلر اون گۆن قالار ویلایتده،
نه بؤیله وصلین اولایدی، نه اؤیله هیجرانین.
-وطندن ال چکیب، ای یار، گئتمه‌ییم، نئیلیم؟
بویور گؤروم، گۆذرانی هانی بو ویرانین؟
یقین بیلین کی، قدم باسماز اؤزگه تورپاغه،
وطنده خوش کئچه گر روزیگاری اینسانین.
سویوقدا غۆربته گئتمک چتیندیر اؤلمکدن،
نه برک جانی وار، الهی، بو اهل-ایرانین!
نه شاه شاد، نه درویش سنده، ای ایران،
نه امن وار، نه تیجارت، نه شرع، نه قانون!
بو کاریوانی چکیر جهل درره‌ی-مؤوته،
نه یاتمیسان بالا، دور، مستدیر شۆتوربانین.
بیزی اجانیب ائدیب زور-علم ایله حمّال،
سووای صبر ندیر تکیه‌گاه‌ی نادانین؟
غم آلدی جانیمی ساقی، سنی آغان جانی،
ایچینه قدری عرق تؤک او شیرلی فینجانین!
عرق حرامدی، لاکین حلالدیر رۆشوت،
تأمّول ائیله‌مه، قوربانی‌یم بو فیتوانین!
به‌قصد رۆشوه حلالی حرام ائدیب مۆجروم،
وبالی بوینوما اولسون او ناموسلمانین!
یاتار مۆهاجیر-ایسلام آج قار اۆستونده،
قالار پیلوو باشینا مطبخینده اعیانین.
کنار-پینجده اگلشمیسن نزاکتله،
نه کار ائدر سنه تأثیری ایندی سرمانین؟
نه پینجی وار، نه لیباسی، ائده سویوقدان حیفظ،
فقیردن خبر آل زحمتین زیمیستانین.
اوروس یولو آچیلایدی، قاچایدین، ای معجز،
خیلاص اولایدین الیندن بو کج قابیرغانین!
او گؤزلریندن اؤپیدی، اولایدی قوربانین!
قاپینی باغلاما، ای باغیبان-حۆسن-جمال،
مۆرخّص ائیله منی بیر گؤروم گۆلوستانین.
خۆلوص-نیت ایله گلمیشم تماشایه،
ائشیتمیشم گۆل آچیب تازه نار-پۆستانین.
نه نار درمه‌یه گلدیم، نه گۆل بو گۆلشنده،
ندیر زیانی سنه خۆشگه بیر تماشانین؟
نظاره نقص یئتیرمز گۆلون لطافتینه،
داها گؤزللشی بارین سیلنده هئیوانین.
ریسوم-عشق و محبّتدن آنلاماز مۆفلیس،
بیلر دوشابی اولان لذّتین مۆربّانین.
نظاره قؽل، نئجه گؤر خالق فؤوج-فؤوج گلیر،
زیارت ائیله‌مگه کعبه‌ی-زنخدانین.
گۆلاب ایگی گلیر آغزیندان آشیکار سنین،
گۆل اۆسته نسب اولونوب یوخسا دۆرّ-دندانین؟
اگر دئیم لبووه قند، داهانووه گۆل-قند،
زۆجاج قلبی سؽنار پشمک ایله هلوانین.
دیلووی یاش رؤطبه اوخشادیردی شاعیرلر،
ایچینده چردگی گر اولمایایدی خورمانین.
غلطدی زۆلفووه رئیحان دئمک و یا مرزه،
او رنگ و بویی هانی مرزه ایله رئیحانین؟
او چشم-مستووه ائیلر فدا بیلاتردید
وئریلسه عاشیقه مالی تمام دۆنیانین.
او خال-شاه، او عاریض، او زۆلف-مار-سیه،
فدا اولوم سنه، اینجیتمه زیر-دستانین.
یازاندا بو غزلی نیصف-لئیل کئچمیشدی،
یاواش-یاواش ایشیغی تار اولوردو لامپانین.
خانیم آییلدی بو اسناده، گؤردو من یازیرام،
دئدی: -دو یات، کیشی، توزلو قالا قلمدانین!
تمام فیکرووو حصر ائتمیسن غزلیاته،
دۆشونموسن کی، کۆپو بوش قالیب قووورمانین؟
صاباح اولاندا جاوابین ندیر طلب‌کاره،
مگر وئریلمه‌یجک مالیاتی دیوانین؟
ایجاردار گۆذشت ائیله‌مز فقیره پولون،
"سرانه"نی دری‌سیندن چؽخاردی عۆریانین.
خودانکرده صفر بگ اگر گله غضبه،
یئرینده یئللر اسر یاستیق ایله یورغانین.
باشی بلالی اوغول بادیکوبه‌ده چالیشیر،
گرک یازیق آنا وجهین وئره مۆفاسانین.
"گؤر آل" رسمیدی گر، بس بو "گؤرمه آل" ندیر؟!
عجب نیظام قویوب حؤکمداری تئهرانین!
بیزی ساتیر سیزه بیر کله‌قند اۆچون مولّا،
او قند ایشله‌نه، یارب، یاسیندا مولّانین!
منی سنه وئره‌نی حق، گؤروم، ذلیل ائتسین،
کبین کسنده دیلی لال اولایدی آغانین!...
بو تلخ سؤز منی پرت ائتدی، بیلمه‌دیم نه دئییم.
دئدیم: وفاسینا، لعنت تمام نیسوانین!
بئهیشت-عدنده، ای کاش، حضرتی آدم
اولایدی کور، اۆزونو گؤرمه‌یه‌یدی حوّانین.
جاهاندا بیلمه‌دی عؤورت ندیر، اوشاق ندیر،
خوشا سعادتینه حضرتی مسیحانین!
سووای غۆصّه ندیر خئیری بونلارین کیشی‌یه،
نه نفعی وار، گؤره‌سن، بیزلره تۆکزبانین؟
ائشیتدی بو سؤزو عؤورت دوروب سراسیمه،
دئدی: تفاووتو چوخدو پیلوولا شوربانین.
دئدیم کی: خرجینه فرماییشیز ندیر پیلووون،
توتوب ایگیرمی تۆمن زربه‌ناره تومانین!...
-شبوستر اهلینه کافر ده اولماسین آرواد،
نه خئیری وار بیزه بو ایسم-بی‌موسمّانین!
اون ایل گئدر، گلر اون گۆن قالار ویلایتده،
نه بؤیله وصلین اولایدی، نه اؤیله هیجرانین.
-وطندن ال چکیب، ای یار، گئتمه‌ییم، نئیلیم؟
بویور گؤروم، گۆذرانی هانی بو ویرانین؟
یقین بیلین کی، قدم باسماز اؤزگه تورپاغه،
وطنده خوش کئچه گر روزیگاری اینسانین.
سویوقدا غۆربته گئتمک چتیندیر اؤلمکدن،
نه برک جانی وار، الهی، بو اهل-ایرانین!
نه شاه شاد، نه درویش سنده، ای ایران،
نه امن وار، نه تیجارت، نه شرع، نه قانون!
بو کاریوانی چکیر جهل درره‌ی-مؤوته،
نه یاتمیسان بالا، دور، مستدیر شۆتوربانین.
بیزی اجانیب ائدیب زور-علم ایله حمّال،
سووای صبر ندیر تکیه‌گاه‌ی نادانین؟
غم آلدی جانیمی ساقی، سنی آغان جانی،
ایچینه قدری عرق تؤک او شیرلی فینجانین!
عرق حرامدی، لاکین حلالدیر رۆشوت،
تأمّول ائیله‌مه، قوربانی‌یم بو فیتوانین!
به‌قصد رۆشوه حلالی حرام ائدیب مۆجروم،
وبالی بوینوما اولسون او ناموسلمانین!
یاتار مۆهاجیر-ایسلام آج قار اۆستونده،
قالار پیلوو باشینا مطبخینده اعیانین.
کنار-پینجده اگلشمیسن نزاکتله،
نه کار ائدر سنه تأثیری ایندی سرمانین؟
نه پینجی وار، نه لیباسی، ائده سویوقدان حیفظ،
فقیردن خبر آل زحمتین زیمیستانین.
اوروس یولو آچیلایدی، قاچایدین، ای معجز،
خیلاص اولایدین الیندن بو کج قابیرغانین!