منو
سیاه‌تئل گؤرمه‌دیم کۆر قؽراغیندا
سیاه‌تئل گؤرمه‌دیم کۆر قؽراغیندا،
مگر هئچ یاشیل‌باش اولماز بو یئرده؟
ترلان کؤنلوم یئنه اوجا داغلارا
هاوالانیب، هرگیز قونماز بو یئرده.
بو دیاردا کلاغای یوخ، کاتان یوخ،
سینه‌م بوتا، مۆژگان اوخون آتان یوخ،
سرخوش دوروب بیر نزاکت ساتان یوخ،
هئچ سؤوداگار فایدا بولماز بو یئرده.
بزک بیلمز بو دیارین گؤیچگی،
تانیماز آل چارقات، زرّین لچگی،
آغ بوخاق آلتیندان حلقه بیرچگی
تر ممه اۆستوندن سالماز بو یئرده.
یارین خیالیله بو گۆن من شادم،
غریبلیگه دۆشسم، قان آغلار دیده‌م.
پری‌سی یانیندا اولمایان آدم
نه یاخشی ساغ قالیر، اؤلمز بو یئرده.
دئسه‌لر کی، واقیف، نه اولدو سنه،
رنگ-رویین دؤنوب هئیوایا گئنه،
الی تر ممه‌دن اۆزن کیمسه‌نه
سارالیبان نئجه سولماز بو یئرده.
مگر هئچ یاشیل‌باش اولماز بو یئرده؟
ترلان کؤنلوم یئنه اوجا داغلارا
هاوالانیب، هرگیز قونماز بو یئرده.
بو دیاردا کلاغای یوخ، کاتان یوخ،
سینه‌م بوتا، مۆژگان اوخون آتان یوخ،
سرخوش دوروب بیر نزاکت ساتان یوخ،
هئچ سؤوداگار فایدا بولماز بو یئرده.
بزک بیلمز بو دیارین گؤیچگی،
تانیماز آل چارقات، زرّین لچگی،
آغ بوخاق آلتیندان حلقه بیرچگی
تر ممه اۆستوندن سالماز بو یئرده.
یارین خیالیله بو گۆن من شادم،
غریبلیگه دۆشسم، قان آغلار دیده‌م.
پری‌سی یانیندا اولمایان آدم
نه یاخشی ساغ قالیر، اؤلمز بو یئرده.
دئسه‌لر کی، واقیف، نه اولدو سنه،
رنگ-رویین دؤنوب هئیوایا گئنه،
الی تر ممه‌دن اۆزن کیمسه‌نه
سارالیبان نئجه سولماز بو یئرده.