ایندن بئله اؤلسم، آرزو چکمنم
ایندن بئله اؤلسم، آرزو چکمنم،
شۆکر اللها، آرزومانا یئتیشدیم.
دوستون جامالینا نظر ائیلهدیم،
ساناسان، تازهدن جانا یئتیشدیم.
سیاه وسمه زیور چکیبدیر قاشا،
اونو گؤرن گؤزلر ایستر قاماشا،
بیر لحظه حۆسنونه ائتدیم تاماشا،
بحمدالله، دین-ایمانا یئتیشدیم.
گؤزللیکده بنزهییر زۆلئیخایا،
یاناقلاری اوخشار گۆل-حمرایا،
کؤنول پرواز ائتدی قالخدی هاوایا،
یئر اۆزوندن آسیمانا یئتیشدیم.
جاری اولوب خوبلار گلسه بیتمام،
اولماز بئله گؤزل، بئله خوشاندام،
قان آغلاییب، حسرت چکن صبح و شام،
بۆلبول کیمی گۆلوستانا یئتیشدیم.
هر دم اویناداندا گؤز و قاشینی،
گتیرر فیرنگین تر ساواشینی،
نه فایدا، وئرمهدیم تئز شاباشینی،
واقیف دئییر، چوخ پئشمانا یئتیشدیم.