پادشاهین مُلکونه اثبات استحکام دیر

شکر کیم، چرخ استقامت اوزره دوران ائیله دی،
جمع اهل دولت اعداسین پریشان ائیله دی.
دهره خلق بصره و اهل جزایر فتنه سی
چوخ زامانلار گرچی قان اود دوردو، پنهان ائیله دی،
عاقبت بیم ضرردن پادشاه عالمی،
بالضروره واقف آثار عصیان ائیله دی.
غیرت حُکم خلافت اول دیارین فتحینی
بیر مجاهد بندۀ مقبوله فرمان ائیله دی.
مظهر رحمت، ایاس مرحمت اندیشه کیم،
آنی اوج عدله حق خورشید رخشان ائیله دی،
سایه وش توپراغا سالدی دوشمن بدخواهینی،
هر یئره کیم، رعیتی عزمین خرامان ائیله دی.
بصره تسخیری، جزایر فتحی مشکل امر ایکن،
اسهل امر ایله بو دشواری آسان ائیله دی.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

قیلدی بغداد اوزره فتح ایچون مرتب بیر سپاه
کیم، علمدن باد تحریکیله مسدود اولدو راه.
کثرت اول غایتده کیم، انجوم تؤکولسه چرخ دن،
زینت ایچون بیر گوهر بولمازدی اوندا هر کلاه.
گر صبا ناگه آرایه دوشسه مانند حباب،
اونلارا ایلتیردی لشکر ازدحامین دان پناه.
وحش ایله طیر و ملک یوز دوتدو غربت عزمینه،
قالماییب اونلارا لشکردن وطنده جایگاه.
هر یانا قالدیردی رعیت بیر امیر نامدار،
هر یانا صف باغلادی بیر سرور جمشیدجاه،
دوتدو صف – صف یئر اوزون لشکر سطور خط کیمی،
اول ختین مضمونی استقلال حُکم پادشاه.
ائتمک اولماز بؤیله لشکر جمعینی تدبیر ایله،
یار و یاور اولماسا توفیق و تایید ایله.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

ماه نودن دجله ده گؤستردی زورق لر مثال،
کیم گؤروبدور کیم، اولا بیر آسماندا مین هیلال.
هر بیری بیر طایر اوج بلا دیر تیزپر،
صید مرغ روح خصم ائیلر قیلیب تحریک بال.
یوخسا سایل دیر، دهانینده قیزیل بایراق زبان
حاکم تقدیردن فتح بلاد ائتمیش سوال.
کؤنلو آچیلمیش، مگر بولموش بو رنگ ایله جواب
چرخ اختردن کی، مانع یوخ توجه ائیله آل!
سودا بیر زورقمی؟ یاخود آغزین آچمیش بیر نهنگ
بایرق اول آتش کی، بولموشدور دمیندن اشتعال.
سرور صاحب ظفر زورقلره زینت وئریب،
قیلدی دوشمن مُلکونه ارسال اسباب قتال.
سالدی غوغای توفنگ مغزینه اعدانین غریو
بولدو وهمیندن مزاج مُلک دوشمن اختلال.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

رأیتین بیر جانبیندن ائیله‌ییب گردون خرام،
گرد لشکردن روخون گردونون ائتدی مشگفام.
رخصت عزم غزا شاه نجفدن ایسته‌ییب،
گلدی درگاهینه گؤستردی طریق احترام.
بولدو اول سلطان عادل دن کمال التفات،
پیر ارشادیله خوش دور هر عملده اهتمام.
بُقعه-بُقعه قیلدی طی معموره ی محروسه یی
آلدی فیض فتح مُلک ایچون دعای خاص و عام.
یئتدی اول سرحده کیم، آغاز مُلک خصم دیر،
گیردی اول میدانه کیم، حُکم اوندا اولموشدور تمام.
گلدی اول منزلده روز عید کاخ پایینه،
فتحدن وئردی بشارتلر کیم، اولا شادکام.
یئددی اختردن فلک دوزدو اونونچون بیر قطار
کیم، چکر صحرادا اسباب سپاهین صبح و شام.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.
شیخی آل قاشعمین شرریله بیر شیطان ایدی،
مملکت ایچره فسادی شؤهرئی دوران ایدی.
گرچی صورتده اطاعت ظاهر ائیلردی، ولی
صورت آخشامی خال چهرۀ عصیان ایدی.
مقتداسی امر و نهییندن هوای نفس اولوب،
شرع حُکمو وادی رأیینده سرگردان ایدی.
قانسی خرمن سوخته زرعینه قیلسا بیر نظر،
بذر اوچون هر نسنه کیم قویسایدی، بیر احسان ایدی.
باش چیخارماق ایستمزدی زرع وهمیندن اونون،
گرچی فلاحین گؤزو یاشی اونا باران ایدی.
هر ائوه بیر گئجه مهمان اولسا قوموندن بیری،
آدی مهمانلیق، ولی معنیده بیر تالان ایدی.
قیلدی پاشای سعادتمند رفع اول فتنه یی،
سانمانیز کیم، دفع تدبیری اونون آسان ایدی.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

اول غزادن کشور اعدایه دپرندی علم،
دوشدو بیر صحرایه ره کیم، آرتیریر ذکری الم،
بیر بیابان کیم، یوخ اوندا نوع انسان دان اثر،
اونا نسبت وادی مردم نشین مُلک عدم.
نقش رنگی خط آفت، نوک خاری تیغ کین،
یئر مزاجیندا بلا مضمر، هوا طبعینده سم.
فصل هم بیر فصل کیم، سرد اولماغین آب و هوا،
خلقدن قطع حیات ائیلردی عیسی اورسا دم.
اؤیله مهک شدت دئی کیم، حرارت بولماغا،
گؤردوگو یئرده دوشردی اودلارا خورشید هم.
اؤیله قاطع تیغ سرما کیم، لحددن چیخماغا،
روح اگر امواته عود ائتسه یدی ائیلردی ستم.
بؤیله موسم بؤیله سحرایی دلیل خئیر ایله
قطع ائدیب لشکر جزایر مُلکونه باسدی قدم.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

عرصۀ مُلک جزایر اولدو ناگه آشکار،
همته عرض ائتدی گردون بیر نهایت سبزه وار.
کثرت اشجاری اول غایتده کیم، اول مُلکده
بیلمه‌میش آب و زمین هرگز کی، بیر خورشید وار.
ساناسان هر نخلی بیر ژولیده مو دیوانه دیر،
گر اونا زنجیر آب اولمازسا، دوتمازدی قرار.
عرصۀ شطرنج تک صحنینده شطلردی خطوط،
قلعه‌لر خط کیمی اول شطین اوزره بی حد شمار.
گرچی اونلار مقصد اصلی دئگیلدی لشکره
اولماغین اول فرقۀ ناپاک خاک رهگذار،
اسهل امر ایله چوخ سرلشکری پامال ائدیب
بینهایت قلعۀ محکم اولوندو تار و مار.
قلعه‌لر فتحین کلید باب نصرت دور دئیو
صفۀ ایامه تحریر ائتدی کلک روزگار.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

اولدو اوندان سونرا پیدا بصره اهلیندن نشان،
فتنه اودوندان شررلر قیلدی ظاهر آسمان.
گلدی استقباله چوخ سنگین دل و آهن قبا
اولدو عالم سوز سنگ و آهن آتش فشان.
هر دلاور نادر مُلک خراسان و عراق،
هر مبارز سر خط مجموعۀ هندوستان.
لشکر اسلام ایله آغاز الفت ائیله‌ییب
آشنالیق دم به دم افزون اولوب قایناردی قان.
منهزم لشکردن اما بیر الم سیز هم دئگیل،
زهری اول قومین ذنبدن ساچیلیب زنبورسان.
اول فضای محنت افزادن یئتینجه بصره یه،
دهر باغ فتنه دن بیر گول آچاردی هر زامان.
لئیک بیر فرد اولمادی ضایع سپاه رومدان،
رزم سوداسیندا اول توجاره دوشموشدو زیان.

هیچ شک یوخ کیم، بو نصرت نصرت اسلام دیر.
پادشاهین مُلکونه اثبات استحکام دیر.

بیر سحر کیم تیغ زرین چکدی شاه باختر،
گؤگ اوزونده قویمادی انجم سپاهیندن اثر.
بصره یه قارشی سپاه رومدن عرض اولدو صف،
باغلادی روی زمین بدخواه قتلینه کمر.
رأیت خضرا چکیلدی اول حصارین فتحینه،
یوخسا قلع قلعۀ کفاره جبریل آچدی پر؟
نهر اعشاری عبور لشکر ایچون دولدوروب
مار ضحاکه فریدون زمان بولدو ظفر.
چشم خورشیدی سنان و رُمح خونخوار ائتدی کور،
گوش گردونی صدای نای رویین قیلدی کر.
گلدی دوشمندن مقابل بیر سپاه بیکران
کیم، سواد کثرتین حصر ائده بیلمزدی نظر.
لشکر اسلامه نصرت وئردی لطف کردگار،
شام اولونجا قالمادی اول شعله لردن بیر شرر.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

شام کیم رخساره چکدی خسرو انجم نقاب،
قیلدی شیخ بصره بختی سلطنت تختینده خواب.
وئردی عقل و رأیینه دخل مهابت انحراف،
سالدی جسم و جانینا امر صلابت اضطراب.
قاچدی اول دون سیه رو دولت و اقبالدن،
اؤیله کیم، شهباز وهمیندن فرار ائیلر غُراب.
سایه سین توپراغه سالدی هر طرفدن اول حصار،
سالیجاق بیر جاننیندن شعلۀ خورشید تاب.
صبحدم پاشای عادلدن منور اولدی مُلک،
اولدی زایل ظلمت شب سالدی پرتو آفتاب.
وئردی مُلکو مال و جسم و جانینا خالقین آمان،
قیلدی جنت اول یئری، جنتده خود اولماز عذاب.
یئتمه دن آجیزلره غوغای لشکردن ضرر،
بی تکلف خوش کرامت دیر ضررسیز انقلاب.

هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.

سرورا، بدخواه خاک رهگذار اولسون سانا،
قاندا کیم، عزم ائیله سن توفیق یار اولسون سانا!
اولماسین باشیندان اسکیک پادشاهین سایه سی،
حرز دولت سایۀ پروردگار اولسون سانا!
قیلماسین لطف نهان رأی منیریدن فلک،
هر نهان لطف کیم وار، آشکار اولسون سانا!
چکمه سین شمشیردن منت سلاح دولتین،
مصطلح احوال دور روزگار اولسون سانا!
فتح ایچون هر قاندا کیم، دپرنسه عزمین رأیتی،
دوشمن بدخواه خوار و خاکسار اولسون سانا!
اولماسین خاموش باغ مدحی نین بلبللری،
داعی دولت فضولیت ک هزار اولسون سانا!
اوّل عزمینده فتح مُلکه نصرت بولدوغون،
موجب تکمیل عزّ و اعتبار اولسون سانا!
هیچ شک یوخ کیم، بو نصرت نصرت اسلام دیر،
پادشاهین مُلکونه اثبات استحکام دیر.