سیّد، او سر کوی ایتی اولدو سنه همدم

المنت و لیللاه، غمه غمخوار تاپیلدی،
غم چکمه یه بیر یار هوادار تاپیلدی.
صد شکر اله گلدی شریک غم و محنت،
عالمده منه یار مددکار تاپیلدی.
مایلدی مگر چرخ جفاکار وفایه –
کیم، بیر بو صفت یار وفادار تاپیلدی؟
دوشموشدو متاع هنر و فضل کساده،
شاد اول کی، کؤنول، رونق بازار تاپیلدی.
قالمیشدی ترازوی گؤزومده دور اشکیم،
یوز شکر کی، بو دوره خریدار تاپیلدی.
آسان دیر او غم کی، اولا غمخواری جاهاندا،
شادم کی، علاج غم دشوار تاپیلدی.
سیّد، او سر کوی ایتی اولدو سنه همدم،
آوازوه آواز وئرن یار تاپیلدی.