سرخیل جنون قئیس ایله فرهاد ایدی سایدیم

هر عاشیق دلی سوخته بیر میلده قالدی،
مجنون سیه بخت غم لعلیده قالدی.
مجنون ایله بیر مکتب عشق ایچره اوخوردوم،
من ختم کلام ائتدیم، او “واللیل”ده قالدی.
ساندیم کی، توتان دامنینی وصله یئتر، من
توتدوم اتگین ایله، الیم زئیلده قالدی.
هر کس کی، چاتیب وصلوه رضوانه یئتیشدی،
هجرینده قالان چاهه دوشوب وئیلده قالدی.
طوفانه وئریب مردم چشمیم بو جاهانی،
ویرانه کؤنول کشمکش سیلده قالدی،
سرخیل جنون قئیس ایله فرهاد ایدی سایدیم،
سیّد، دخی بیزدن چیخیب، اول خئیلده قالدی.