سیّدا، البیسۀ عقل دن اولدون عاری

ای کؤنول، اول گول اوچون ناله و زار ائتمه دخی،
اؤزوو دیدۀ اغیارده خوار ائتمه دخی.
حسرتیندن بو قدر قانه کی، دؤندون بسدیر،
هوس بوسۀ لعل لب یار ائتمه دخی.
بسدیر اولدون بو قدر بستۀ زنجیر جنون،
هوس سلسلۀ زلف نگار ائتمه دخی.
عمر پایانه یئتیب، موی سیه اولدو سفید،
آرزوی هوس بوسو کنار ائتمه دخی.
زیر بار غم هر سیمبر اولدوق بسدیر،
بیوفا لر غمینی بیزلره بار ائتمه دخی.
اؤلدورورلر، کؤنول، اول کودن ائدر کیم کی، گذر،
گر گذارین دوشه، اول کویه گذار ائتمه دخی.
سیّدا، البیسۀ عقل دن اولدون عاری،
تن هر عاقل و فرزانه دن عار ائتمه دخی.