لطفونون عین ستم اولدوغونو بیلمز ایدیم

تا گرفتار دئگیلدیم بو اداسی یوخ ایدی.
دم به دم عاشیق مسکینه جفاسی یوخ ایدی.
نرگس مستی منه ائیلر ایدی مردملوک،
او قارا گؤزلری نین بونجا بلاسی یوخ ایدی.
یاد ائیلردی منی، حالیمی ائیلردی سوال،
بو جفاسی، بو اداسی، بو هواسی یوخ ایدی.
آلمامیشدی روش جور وجفانی تعلیم،
جور اوچون خاطری نین هیچ رضاسی یوخ ایدی.
ختن آهوسو کیمی چشمی اولوردو منه رام،
چین گیسولری نین سهو خطاسی یوخ ایدی.
کعبۀ کویی منیم اولموش ایدی سجده گهیم،
یارسیز مجلسیمین ذوق و صفاسی یوخ ایدی.
لطفونون عین ستم اولدوغونو بیلمز ایدیم،
قصدی نین محنت و غم اولدوغونو بیلمز ایدیم.