حاجی موللا عبدالله شاه تاختلی یا

حاجی موللا عبدالله شاه تاختلی یا

الا، ای بولبول خوش لهجه، حاجی موللا عبدالله
کی، گولزار مصیبت اوز وئریر نشو نما سندن.
عراق و اصفهانی دولدوروب آوازۀ فضلین،
ورای ماوراعون نهره دوشموش دور صدا سندن.
بزرگ و کوچکی پرشور ائدیب شور همایونین،
حصار گنبد فیروزه دوشموشدور نوا سندن.
دبستان کمالیندا مثال طفل ابجدخوان
گرک دیر روزه خوانلار اؤیرنه مشق عزا سندن.
سهیل اوج عزتسن، بولاردیر کینّگ شب تاب،
طلوعیندان یئتیب دیر قتله اولاد الزنا سندن.
روان اولماز، قالیر حیرتده جوی ایچره تماشاده
اگر کی، گوش ائده بیر ما جاری ماجرا سندن.
سنه داوددن گویا چاتیب ارث ایله بو حنجر،
و الا صادر اولمازدی بو سؤوو جانفزا سندن.
شهادت ذکرین ائیلرسن بیان نسّ کتاب ایله،
اودور کیم، فیضینی کسمز شهید کربلا سندن.
سنی زاکیرلرین سلطانی ائتمیش حق بو معنادان
کی، چاتسین فیضه، ای سلطان عالم، هر گدا سندن.
عزای شاه دینی روح الاحوال ایچره ذکر ائت کیم،
اولورلار شادمان ارواح پاک انبیا سندن.
عرب ابیاتینی تقریر قیل لبنی حجاز ایله
کی، تا خوشنود اولا خلقتده روح مصطفی سندن.
علی اولادی نین مداحی سان، ای ذوالفقار دل،
اولور خوشنود عقباده علی المرتضی سندن.
سپهر عزت و اقبالده سن مهر رخشان سان،
اؤزون اؤلدورسه ائتمز زؤویده سبقت سوها سندن.
سنین تأثیر انفاسیندان اولدو زنده چوخ کس لر،
بیلیر اهل نظرلر چوخ مثلر اولموش کیمیا سندن.
دیلین ناییب مناب ذوالفقار پاک حیدردیر
کی، اولموش جمله سی مجروح قوم اشقیا سندن.
توتوب عطرین جاهانی، بیر گولوستان عزاسن سن،
آپاریر یثرب ایچره تحفه‌لر باد صبا سندن.
رضای بی کسین ذکریله احوالین کی، تا اولسون
خدا خوشنود و حیدر شاد و پیغمبر رضا سندن.
سنی شاهتختلی دئرلر خلایق، ائتمنم باور،
سنی خوشبختلی ائتمیش اولوب راضی خدا سندن.
نه دنیایه گلیب مثلین، نه گلمز غمه بیر کیمسه،
روا دیر ائتسه‌لر گر فخرتر ارض و سما سندن.
خوشا اول شاعرین حالینه کیم، اشعار زیباسین
اوخورسان شوق ایله، بهجت تاپار اول بینوا سندن.
دم تقریرده سن جان وئریرسن شعر و اشعاره،
تاپار شاعرلرین اشعاری بیر اؤزگه صفا سندن.
بو اوزدن بیر نئچه تضمین کی، اونلار فکر بی کریم دیر،
هدیه ائیله‌دیم تقریرین ائیلر دل رجعت سندن.