هر زامان کؤیینده قؤوسی ناله سین عیب ائتمه کیم

عشق دریادیل منیم کؤنلومده پونهان اولسا یئی*،
گنج گؤوهر منزلی هرچند ویران اولسا یئی.
ائیله مز بیقدر عاشیق کؤنلونو بیتاب لیق،
گؤوهر سیراب هر مقدار غلتان اولسا یئی.
ای دمادم چشم پورخونیم دن اکراه ائیله ین،
هر قدر کیم، ابر گؤهربار گریان اولسا یئی.
نامناسب دیر بیتیرمک زخم پیکانین سنین،
غنچۀ اوممیدینیز آچیلسا، خندان اولسا یئی.
ایقلاب دهردن آگاه اولان عارف بیلیر،
تخت و تاجیندن جاهانین بند و زندان اولسا یئی.
چونکی من گؤز آچمانام، گر تیره روز ایستر منی،
پردۀ چشمیمده اول خورشید پونهان اولسا یئی.
هر زامان کؤیینده قؤوسی ناله سین عیب ائتمه کیم،
اؤیله بولبول، بؤیله گولزار ایچره نالان اولسا یئی.
—————————-
*یئی: یاخشی.