نه خوشلاییب خانیم بیلمم،
خراب کۆردشدی، کۆردشدی،
گل اۆشتیبنه تفرّج قؽل،
جنّت باغی رشتی، رشتی.
قویمایایدیم قؽزیل کاندا،
چکیدیم اولسا هر خاندا،
بینا قؽلایدیم ایراندا
دینی-زردوشتی، زردوشتی.
تالایایدیم او بغدادی،
قالمییایدی هئچجه زادی،
آلایدیم قصری-شدّادی،
دولانایدیم هشتی، هشتی.
آلایدیم بیر ملکی-رومی،
اکیدیم یئرینده قومی.
قالمییایدی اوندا بومی،
اولایدیلار دشتی، دشتی.
نباتی، بو جسمی-مرده
آرام تاپدی بیرجه خؽردا.
ساقی، چوخ اولموش افسرده،
دور مئی گتیر کشتی، کشتی.