منو
صبا، بو مهجورو بیر شاد ائیله سن
صبا، بو مهجورو بیر شاد ائیله سن،
یئتیر بو پئیغامی جانانه من‌دن:
نیه بو مجنونو ائتمیش فراموش،
ندن اؤترو اولوب بیگانه من‌دن؟
یئتیش‌جک یانینا او سروینازین،
باشینا بیر دولان او شاهبازین،
اوندان سونرا سؤیله رازو نیازین،
یالوارا-یالوارا او خانه من‌دن.
اؤپ اللرین، اوندان دۆش آیاغینا،
پروانه تک فؽرلان سولو-ساغینا،
بۆلبول کیمی سارماش گۆل بوداغینا،
عرض قؽل عجز ایله سلطانه من‌دن.
دردی-هیجرین تؤکدو برگو باریمی،
خزانه دؤندردی نؤوباهاریمی،
اوندان سؤیلگینن حالی-زاریمی،
او قاشی یای، گؤزو مستانه من‌دن.
قولاق وئر، ائیله‌سه هر نه دۆرفشان،
او پۆسته دیل-دوداق، او شککر دهان،
گتیر نباتییه اوندان بیر نیشان،
دۆروست یئتیشگینن فرمانه من‌دن.