هر کس اولور حئیرانین

نه گؤزل سن گؤزلیم، هر کس اولور حئیرانین؟
یئخاجاق سان بو گؤزللیک له ائوین دونیانین
ساچلارین رایحهٔ مشکی نظردن سالدی
گؤزلرین واله ائدیب، گؤزلرینی جئیرانین
ظالیم انصاف ائله، جان قویمادین عاشیق لرده
گونده یوز من کیمی بیچاره اولور قوُربانین
خسته دیر کؤنلوم او گوندن بری، زولفون گؤره لی
حسرتیندن اؤلورم، اولماسا گر درمانین
باشقا بیر فکریله هر کیم سنه کج باخسا، گولوم
ایتی خنجر کیمی، باتسین گؤزونه مشگانین
نازه نین لر سنی گوردوکده خجالتدن اؤلور؟
وای اگر تؤ کسه ن اوزه زولفِ عبیر افشانین
واحد، اومید وصال ائیلمه، بیچاره، سنین
بو خیالات ایله آخیر چخاجاقدیر جانین