یار دل آرام الینه!

آلدی مئی جامینی اول یارِ گول اندام الینه
جان فدا ساقی یه! وئردی او گولون جام الینه
باده ذؤقون نه بیلیر، کیم کی، خریدار دئییل
قویمایین، لعلِ گرانمایه دوشه خام الینه
درِ میخانه صفاسین نییه زاهید بیلسین؟
وئرمه جنّت آچارین جاهیلِ بد نام الینه
باده تاریخینی جمشیدِ جم ائتمیش ایجاد
کی، دوشوبدور بوقدر کافر و اسلام الینه
راحتِ روحونو شاد ائتمک اوچون خیّامین
جام توت کی، نئجه آلمیش اونو خیّام الینه
من ده بیر جام ایله آرام توتاردیم، ساقی!
گر یئتیشسه ایدی الیم یارِ دلارام الینه
واحد اوچون بو شرف لذّتِ دونیایه ده یر
یار ایله آلسا ا گر بادهٔ گول فام الینه