منو
منی عفو ائت!
روخون گؤسترسه اول مهوش ا گر زیرِ نقابیندن
یقین کی، دؤندرر اوز گؤیده چرخ اؤز آفتابیندن
دئمین مجنونا عاشیق کیم، دئییلدیر اول منه همتا
قویوب صحرایه اوز، قاچمیشدیر او عشقین عذابیندن
نه منده تاب واردیر، ناز و غمزه چکمگه بیردم
نه ده ال چکمز اول یاریم بئله ناز و عتابیندان
ریا ایله منه تکلیف مسجد قیلما، ای زاهید
گناهکارم، منی عفو ائت، کئچرمی کس ثوابیندان؟
گؤروب روخسار و زولف یاریمی دون شب، مهِ تابان
اوزون گیزلتدی ابرو ظلمت ایچره اؤز حجابیندان
بوساطِ عشقدن، واحد، بیزی منع ائیله ییر زاهید
نه بیلسین، بی خبردیر، دادماییب عشقین شرابیندان