اوره کدن ایئلهمیشم من بو عهدی تاریم ایله
گونوم کئچه ایدی همیشه او نازلی یاریم ایله
وفالی بولبولیم بیر گول اوزلو جانانین
اینانمیشام اونا اؤز دوغرو اعتباریم ایله
شرفله عؤمر کئچیرمک بؤیوک سعادتدیر
فداسییام بو یولون من اؤز اختیاریم ایله
همیشه خوش کئچه جکدیر حیاتیمیز، گونوموز
بیر اولسا هر سؤزوموز نازنین نیگاریم ایله
وطن اوغوللاری نسلیله افتخار ائیلر
اودورکی، فخر ائدرم منده یادگاریم ایله
بهشتی گؤرمهمیشم، آرزودا ائیله مرم
وطنده کئچسه گونوم یار گلعذاریم ایله
محبت اهلینه، واحد، چالیش، یاخین گلمه
کی، قورخورام، یانا قلبین بو آه و زاریم ایله