منو
گولسون منه!
آخیر آغلاتدین منی، بیگانه‌لر گولسون منه
شمع تک یاخدین منی، پروانه‌لر گولسون منه
منده یالواررام گؤزون یادیله، پیرِ میکده(١)
ائیله مست ائیتسین منی، مستانه‌لر گولسون منه
پرتوِ خورشیدِ رویین جامِ مئی ایچره گؤروب
آغلارام، قوی دؤره ده پیمانه‌لر گولسون منه
قورخورام سّر دهانین، مئی ایچیب فاش ائیله یم
مست اولام کیم، عارفِ میخانه‌لر گولسون منه
باغلا اول زنجیرِ زولفونله منِ سر گشته نی
قویما کیم، صحرا نشین دیوانه‌لر گولسون منه
لیلی وش زولفوندن آیری ایسترم، مجنون اولام
قوی ائشیتسین بو سوزو فرزانه‌لر گولسون منه
ییخابیلمه زدی، فلک اولسایدی، ییخدی هیجرِ یار
واحدم، قوی ساکنِ ویرانه‌لر گولسون منه
١مصرع بو شکلیده ده قئید اولموشدور:
منده یالواررام گؤزوم یاشیله، پیر میکده.