اوز ها اوز

معرفت بحرینده غواصام دیین.
گیر درین دریادا چالخان، اوز ها اوز!
من عاشقم اوز ها اوز،
سونام گولده اوز ها اوز
بی وفادان یار اولماز،
عمر اوزسن یوز ها یوز
قاری دشمن بیرده گلیب دوست اولماز،
الين توتوب یالواراسان اوز ها اوز.
درویش اولان گیدر، گزر درینده.
یئلکن آچار دایازلاردا، درینده.
من عاشقم درینده،
دایازلاردا، درینده.
قول اولاسان قالاسان
نازلی یارین درینده.
ال آچاسان ارنلرین درینده.
جالایاسان سینیق کونول اوز ها اوز
علی‌عسگر دییر، آغلایاسان، گوله‌سن.
بلبل کیمی عاشق ایدین گله، سن؛
من عاشقم گوله‌سن،
دانیشاسان. گوله‌سن.
باغبان ئولدو، باغ سولدو.
حسرت قالدین گله‌سن
ناشی باغبان ال اوزاتما گله‌سن،
چک الینی قیزیل گلدن اوز ها اوز