حییفسن

دانيشدیق، باریشدیق، مرحمت ائیله،
اينجيكليك آرایا قاتما، حییفسن!
سن تاجر اولمازسان بیر ماناتینان.
ناموسی، غیرتی آتما، حییفسن!
مولام منی نظریندن سالماییب،
هوشوم جمدی، عاغلیم هئچ آزالماییب.
فانی دنیا سلیمانا قالماییب،
اویان بو غفلتدن، یاتما، حییفسن!
سیز تلاش ائیلرسیز ایگنه، بیزاینن،
بیزیمکی‌ ده گلیب-گیدر سوز اینن.
اگری اول اگرینن، دوز اول دوزاینن،
هر یئتنی سن آلداتما، حییفسن!
دوشنده مجلسه آغیر ییغناغا،
منه حرمت قویور ایرنجبر، آقا.
سوز اوزانسا هجو چیخار قورشاغا،
سوزون دالین چوخ اوزاتما، حییفسن.
قسم اولسون خودکشلرین سرینه.
یالان سوز ایگیدی سالار درینه.
کهنه داغارجیغی قماش یئرینه.
عاشق علی‌عسگره ساتما، حییفسن!