گوردوم

گیدیردیم گذاریم دوشدو بولاغا،
اووچو بره‌سینده مارالی گوردوم.
یاتیب اینیلده‌ییر، دوروب، بویلانیر،
بیر نچه ییریندن یارالی گوردوم.
ظالم اووچو اونو قویوب نشانا،
دلیب اوره‌گینی بویاییب قانا،
ییخیلیب چئوریلیر اویان-بویانا،
کسیلیبدی صبری، قارالی گوردوم.
طبیب اولسام، یارالارین باغلارام.
سینم اوستون دویونلرم، داغلارام.
علی‌عسگرم، چایلار کیمی چاغلارام،
آنانی بالادان آرالی گوردوم.