شیریندی

بیر گوزل گورموشم چایقیلیجلیدا،
بوی-بساطی، هر نوراغی شیریندی.
بسته بویو، آغ اندامی، گل اوزو،
باخدیقجا قاشینین طاغی شیریندی.
حسرت باخان دویماز آغ قاباغیندان،
شاهمار زلف توکولوب سولو-ساغیندان.
اؤپن اؤلمز اونون گل یاناغیندان،
اممگ ایچون، دیل-دوداغی شیریندی.
جدا دوشوب اولوسوندان-ائلیندن
عنکبوت تک جان آسیلیر تئلیندن.
یازیق علی‌عسگره نازک الیندن
مرحمت ائیله‌سه آغی، شیریندی.