بیریسین

اسمین اوچ حرفدی، آی چشمی خمار
بیری میمدی، بیری نوندو، بیری سین،
حسرتیندن یوزمین گیزلی دردیم وار.
کیمسم یوخدو، آچام دئیم بیریسین.
سالدین منی آتشه هی، نارا هی...
گوزوم آغلار، چکر دیلیم ناراهی...
مشترییم دوست قوینوندا ناراهی..
بیمروت ساتمیرسان آلیم بیریسین.
سیاه زلفون نه توکوبسن یانا سن،
یا حوریسن، یا پریسن، یا نه‌سن؟
دیمه‌دیم‌که، عشق اودونا یاناسان،
من دیدیم که، دور قیراخدا بیر ایسین.
علی‌عسگرین یاز سوزلرین واراغا.
یویار غصال، بوکر قدین واراغا.
بو سفرده اوچ احتیاط وار آغا،
بیری میزان، بیری صراط، بیری سین.