دی بیر اوز، بیر اوز

عارف اولان دقت ائله، فهم ائله،
قوور ائیله‌دی یارام، دی بیر اوز بیر اوز
فلك سالدی منی هجران خسته‌سی
یاتیرام یان یئرده دی. بیر اوز بیر اوز
یاراليیام چتین قاللام بو یازا،
قوی دئیم دردیمی کاتیب بو، یازا
یتیر خبریمی گردن بیاضا،
گورونسون گوزومه، دی بیر اوز_بیر اوز
یازیق علی‌عسگری درد آز آلیمی؟
گوروم دچار اولسون درده ظالمی!
درمانسیز خسته‌دن درد آزالیمی؟
لقمان تك دئیرم، دی، بیر اوز-‌بیر اوز