منو
دنیاده
غافل کونول، بو نه یولدو توتوبسان.
صرف ائلرسن نه کمالدی دنیادا؟
دولته قول اولوب، گل‌تك آچیلما،
چوخ سنین‌تك گل‌لر سولدو دنیادا.
کفردن قلبینده برکیتمه باری،
توپ‌دگر، داغیلار بورجو حصاری.
چوخ سنين تك آهو گزه‌ن شاهماری
فلك کمندینه سالدی دنیادا.
گوشومدا سیرغادی، سینمده داغدی.
عاغیللی اونوتماز نچه‌که، ساغدی،
دولتدن قسمتین بئش آرشین - آغدی
چکدیگین غوغادی قالدی دنیادا.
فلك برهم ایدیب چوخ نظاملاری،
ظلمنن سوندوروب یانان شاملاری،
حیف جوانلارین گل انداملاری.
مارا مورا قسمت اولدو دنیادا.
ییغیلار مخلوقات، قورولار محشر،
بویونلاردا کفن، اللرده دفتر،
اوندا وای حالینا، یازیق علی‌عسگر،
ئوزون گیتدین، سوزون قالدی دنیادا.
صرف ائلرسن نه کمالدی دنیادا؟
دولته قول اولوب، گل‌تك آچیلما،
چوخ سنین‌تك گل‌لر سولدو دنیادا.
کفردن قلبینده برکیتمه باری،
توپ‌دگر، داغیلار بورجو حصاری.
چوخ سنين تك آهو گزه‌ن شاهماری
فلك کمندینه سالدی دنیادا.
گوشومدا سیرغادی، سینمده داغدی.
عاغیللی اونوتماز نچه‌که، ساغدی،
دولتدن قسمتین بئش آرشین - آغدی
چکدیگین غوغادی قالدی دنیادا.
فلك برهم ایدیب چوخ نظاملاری،
ظلمنن سوندوروب یانان شاملاری،
حیف جوانلارین گل انداملاری.
مارا مورا قسمت اولدو دنیادا.
ییغیلار مخلوقات، قورولار محشر،
بویونلاردا کفن، اللرده دفتر،
اوندا وای حالینا، یازیق علی‌عسگر،
ئوزون گیتدین، سوزون قالدی دنیادا.