منو
آنا دیلی
دیل آچاندا ایلک دفعه آنا سؤیله‌یریک بیز،
"آنا دیلی" آدلانیر بیزیم ایلک درسلیگیمیز.
ایلک ماهنیمیز لایلانی آنامیز اؤز سۆدویله
ایچیریر روحوموزا بو دیلده گیله-گیله.
بو دیل،-بیزیم روحوموز، عشقیمیز، جانیمیزدیر،
بو دیل،-بیر-بیریمیزله عهد-پئیمانیمیزدیر.
بو دیل،-تانیتمیش بیزه بو دۆنیادا هرشئیی.
بو دیل،-اجدادیمیزین بیزه قویوب گئتدیگی
ان قیمتلی میراثدیر، اونو گؤزلریمیز تک
قورویوب، نسیللره بیز ده هدیّه وئرک.
بیزیم اوجا داغلارین سونسوز عظمتیندن،
یاتاغینا سؽغمایان چایلارین حیدّتیندن،
بو تورپاقدان، بو یئردن،
ائلین باغریندان قوپان یانیقلی نغمه‌لردن،
گۆللرین رنگلریندن، چیچکلرین ایییندن،
میل دۆزونون، موغانین سونسوز گئنیشلیگیندن،
آغ ساچلی بابالارین عقلیندن، کمالیندان،
دۆشمن اۆستونه جومان او قؽراتین نالیندان
قوپان سسدن یاراندین.
سن خالقی اؽنینالدیغی ایلک نفسدن یاراندین.
آنا دیلیم، سنده‌دیر خالقین عقلی، حیکمتی،
عرب اوغلو مجنونون دردی سنده دیل آچمیش.
اۆرکلره یول آچان فۆضولی‌نین صنعتی،
ای دیلیم، قۆدرتینله دۆنیالارا یول آچمیش.
سنده منیم خالقیمین قهرمانلیقلا دولو
تاریخی واراقلانیر،
سنده نئچه مین ایللیک منیم مدنیتیم،
شان-شؤهرتیم ساخلانیر.
منیم آدیم، سانیمسان،
ناموسوم، ویجدانیمسان.
میلّتلره، خالقلارا خالقیمیزین آدیندان
محبّت داستانلاری یارادیلدی بو دیلده.
موسکوادا پوشکینه هئیکل قویولان زامان،
اونا عابیده قویدو بو دیلده
شیروانی ده.
بو دیل،-تانیتمیش بیزه بو دۆنیادا هرشئیی،
بو دیل،-اجدادیمیزین بیزه قویوب گئتدیگی
ان قیمتلی میراثدیر، اونو گؤزلریمیز تک
قورویوب نسیللره بیز ده هدیّه وئرک.
ای اؤز دوغما دیلینده دانیشماغی آر بیلن،
بونو ایفتیخار بیلن
مودالی ادبازلار
قلبینیزی اوخشامیر قوشمالار، تئللی سازلار.
قوی بونلار منیم اولسون.
آنجاق وطن چؤرگی،
بیر ده آنا اۆرگی
سیزلره قنیم اولسون.
"آنا دیلی" آدلانیر بیزیم ایلک درسلیگیمیز.
ایلک ماهنیمیز لایلانی آنامیز اؤز سۆدویله
ایچیریر روحوموزا بو دیلده گیله-گیله.
بو دیل،-بیزیم روحوموز، عشقیمیز، جانیمیزدیر،
بو دیل،-بیر-بیریمیزله عهد-پئیمانیمیزدیر.
بو دیل،-تانیتمیش بیزه بو دۆنیادا هرشئیی.
بو دیل،-اجدادیمیزین بیزه قویوب گئتدیگی
ان قیمتلی میراثدیر، اونو گؤزلریمیز تک
قورویوب، نسیللره بیز ده هدیّه وئرک.
بیزیم اوجا داغلارین سونسوز عظمتیندن،
یاتاغینا سؽغمایان چایلارین حیدّتیندن،
بو تورپاقدان، بو یئردن،
ائلین باغریندان قوپان یانیقلی نغمه‌لردن،
گۆللرین رنگلریندن، چیچکلرین ایییندن،
میل دۆزونون، موغانین سونسوز گئنیشلیگیندن،
آغ ساچلی بابالارین عقلیندن، کمالیندان،
دۆشمن اۆستونه جومان او قؽراتین نالیندان
قوپان سسدن یاراندین.
سن خالقی اؽنینالدیغی ایلک نفسدن یاراندین.
آنا دیلیم، سنده‌دیر خالقین عقلی، حیکمتی،
عرب اوغلو مجنونون دردی سنده دیل آچمیش.
اۆرکلره یول آچان فۆضولی‌نین صنعتی،
ای دیلیم، قۆدرتینله دۆنیالارا یول آچمیش.
سنده منیم خالقیمین قهرمانلیقلا دولو
تاریخی واراقلانیر،
سنده نئچه مین ایللیک منیم مدنیتیم،
شان-شؤهرتیم ساخلانیر.
منیم آدیم، سانیمسان،
ناموسوم، ویجدانیمسان.
میلّتلره، خالقلارا خالقیمیزین آدیندان
محبّت داستانلاری یارادیلدی بو دیلده.
موسکوادا پوشکینه هئیکل قویولان زامان،
اونا عابیده قویدو بو دیلده
شیروانی ده.
بو دیل،-تانیتمیش بیزه بو دۆنیادا هرشئیی،
بو دیل،-اجدادیمیزین بیزه قویوب گئتدیگی
ان قیمتلی میراثدیر، اونو گؤزلریمیز تک
قورویوب نسیللره بیز ده هدیّه وئرک.
ای اؤز دوغما دیلینده دانیشماغی آر بیلن،
بونو ایفتیخار بیلن
مودالی ادبازلار
قلبینیزی اوخشامیر قوشمالار، تئللی سازلار.
قوی بونلار منیم اولسون.
آنجاق وطن چؤرگی،
بیر ده آنا اۆرگی
سیزلره قنیم اولسون.