بیر دلبرین حسرتینی چکیرم
چوخدان بری کؤنلوم خیالا دوشموش
عجایب چکیبدیر نقاش ازل
قاشلارینین طرحی هلالا دؤنموش
ازل گونده یازدی اونون قلمی
(ومایسطرون)دا اونون قلمی
چکنده رسمینی اونون قلمی
گوزلرینین عکسی پیالا دوشموش
شکردیر زبانی کوثر فطرتی
بیر خالینین رضوان اولماز قیمتی
بؤلگو بؤلن گوزللیگی، زینتی
بؤلنده قسمتی کمالا دوشموش
ایستهییب یارادیب حیّ کردگار
تبسّم ائدنده قیش اولار باهار
دده کاتب وصالینا انتظار
آه - زار چکمکدن نه حالا دوشموش.