صبر ائیله

کونول بئش گون قدرتینه
شیشمه صبر ائیله صبر ائیله
چوخ تئز دولوب چاناغیندان
داشما صبر ائیله صبر ائیله
یا خوش دانیش یا دا خاموش
سویا گیرمه یوخلامامیش
هر یئتنی تانیمامیش
دئشمه صبر ائیله صبر ائیله
صبر ایمان ایله یاری‌دیر
صبر انبیانین کاری‌دیر
عجله شیطان تورودور
دوشمه صبر ائیله صبر ائیله
دده‌کاتب حقّه اینان
یاخشی انسان دئمز یامان
ایشین برکه دوشسه دایان
قاچما صبر ائیله صبر ائیله.