کؤنول غنیمت بیل گولون فصلینی
قویما خار دولانا گول دؤورهسینه
باهار چاغی زینت وئرر داغلارا
یاشیل یایلالارین ائل دؤورهسینه
الدن وئرمه جاوانليغین دمینی
گلمهمیش گونلرین چکمه غمینی
لاچین کیمی برکیت بره کمینی
سونالار ییغیلیب گؤل دؤورهسینه
قناری تک قیزیل گولو قوجاقلا
دم غنیمت عشق آتشین اوجاقلا
جاوانلیق کیمیادیر وجودون ساخلا
قویما توز اوتورسون تئل دؤورهسینه
دده کاتب خسته کونلون شاد اولسون
خوش دیء دانیش، قوی آغزیندا داد اولسون
عؤمرونون پایهسی قوی اباد اولسون
قویما رخنه سالا سئل دؤورهسینه.