دهلی کؤنول عالیم اولسان علم قال بیلمک گرک
عارف اولماق گر ایستهسن علم حال بیلمک گرک
گوهری سن وور محکه بیل عیارین آلتونون
آل مفرغی آت کنارا قیزیل قال بیلمک گرک
درویش اولسان مولان تانی خدمت ائیله اوستادا
باشین اکر عرشه یئتسه اوستادینی سال یادا
ایستهیه سن کام آلاسان سن هر ایکی دونیادا
معبودو دایم یانیندا بیمثال بیلمک گرک
عاشقلر پیر طریقت یولوندا چکمیش جفا
مرید راه عشق اولان جفادان بولموش صفا
حاذق حکیم دردی تانیر زهردن وئرمیش شفا
آجینما دوستون یولوندا زهری بال بیلمک گرک
ددهکاتب عقلین اولسون قاچما سن دیوانهدن
اؤتور شکّی بول یقینی ال گؤتور افسانهدن
عشق اودونا آلیشماغی باخ اؤیرن پروانهدن
یار اودونا يانان اؤلمز بی زوال بیلمک گرک.