خون جگریم گؤزدن اول قدر روان اولموش

جانا، بو نه جادودور، قاش و گؤز آراسیندا،
نطقیم توتلور گؤرجک هردم، سؤز آراسیندا.

گر گؤرسه زلیخا و یوسف سنی بزمینده،
مبهوت قالار اونلار یوز مین قیز آراسیندا.

عناب لبین، جانا، تشبیه ائدیب عاشیق لر،
نار دانه سیدیر، گویا، دوشموش بوز آراسیندا.

ای دیل، ائله مه آرتیق ناله ن یئرینه یئتدی،
سالدین اؤزون اودلارا، یاندین کؤز آراسیندا.

عهدینده وفا وارسا، مبهوت نه دورموشسان؟
وار کویه، یوگور-یورت تا جانین اؤز آراسیندا.

خون جگریم گؤزدن اول قدر روان اولموش،
لاف ائتمه، کمینه، چوخ، گول تک اوز آراسیندا.