دنیا ائوینه قوندوق، اوتوردوق بیر ایکی گون

یوم السؤال حضرته عرض ائیله ییم، اگر،
الطاف و مرحمت له قولوندان جاواب آلا.

دنیا ائوینه قوندوق، اوتوردوق بیر ایکی گون،
لایقمی دیر کریمه قوناقدان حساب آلا؟

نکتۀ عشقی نئچه صورتیلن
اهلی معنا ایله تصریح ائتدیک.

کسرت وحدته قیلدیق تبدیل،
جمله دن عزلتی ترجیح ائتدیک.

لعنت اول نادانه کیم بیر کیمسه دن بیر کیمسه یه،
بیر جگرگاه اولاجاق سؤز نقل ائده گئرجک، یالان.

چون خبر هم صدقه، هم کذبه الوبدور محتمل،
اول سؤزو کندی دئمیش اولور او شخصه بیگمان.

کشف ائت نقابینی، یئر گؤیو منور ائت،
بو عالم عناصری فردوس انور ائت.
وئر لب لرینی جوشه گتیر حوض کوثری،
عنبر ساچینی تؤک، بو جاهانی معطر ائت.

***
ای قاضی، سنه دعوی چی یزدان اولاجاق دیر،
محشر ارساتیندا کی، دیوان اولاجاق دیر.
حشر ایچره “سجدتو” عملی چون بولا معنا،
رشوت رقمی نامینه عنوان اولاجاق دیر.

دؤورونده یتمین کی، گؤزو یاشی روان دیر،
بیر گون سنی غرق ائتمه یه عمّان اولاجاق دیر.
رشوت گمیگین دورماز، ائیله یک لرین اَمَرسن،
قارنین یاریلیب بیر گون اورک قان اولاجاق دیر.

بو سازی کی، سن پرده‌لر آردیندا چالارسان،
سانما کی، آنین نغمه سی پنهان اولجاق دیر.