ای حباب اشک

جسمیمی یاندیرما، رحم ائت یاشیمه، ای باغری داش!
احتیاط ائت، یانماسین ناگه قورو اودوندا یاش.
خوش کئچر نظارۀ حسنونله عمروم، وار امید
کیم، ائده مقبول درگاهین منی حسن معاش.
طوف کویینده آیاقدان باشه ایرمیش بیر مدد،
نولا گر قددیم بوکوب هردم، آیاغم اولسا باش.
فتنه یایین قورماغا آتش می اولموش احتیاج
کیم، اورارسان عالمه آتش، چاتیب پیوسته قاش.
ای حباب اشک، نایاب ائت تن عریانیمی
کیم، بو رسوا پرده می چاک ائتدی، سرّیم قیلدی فاش.
پاره پاره کؤنلومین سوز درونه تابی یوخ،
گؤز یولوندان قطره قطره قان اولوب، چیخسایدی کاش.
ای فضولی، غرق خوناب ائتدی گؤز مردم لرین،
کوره ییم قلاب مژگانه اورولسون قانلی یاش.