گرچی خاک رهگذارم دیدۀ بدخواهیمه

سو وئرور هر صبحدم گؤز یاشی تیغ آهیمه
کیم، تؤکم قانین سپهرین، سالسا مهرین ماهیمه.
شمع رخسارین اودی قیلدی منی آتش پرست،
چاک سینه مدن تماشا ایله آتشگاهیمه.
توتیا تک چشم ارباب نظردیر منزلیم،
گرچی خاک رهگذارم دیدۀ بدخواهیمه.
غم کیمی اؤلدورسه، قانلی تک قاچار مندن یانا،
شاه دردم، التجا ائیلر علو جاهیمه.
بیر فقیرم دورماسین کیمسه منه تعظیم ایچون،
قاندا گئتسم، ای گؤزوم، سو سپ غبار راهیمه.
غافلم سرّ لب جان پروریندن تا خطین،
قوندوروبدور گرد مرات دل آگاهیمه.
ای فضولی، یاره دؤندردیم اوزوم اغیاردن،
خصمی چوخ گؤردوم، سیغیندیم صدقیله الله مه.