جان وئرمه غم عشقه کی، عشق آفت جان دیر،
عشق آفت جان اولدیغو مشهور جاهان دیر!
هر ابروی خم قتلینه بیر خنجر خونریز،
هر زلف سیه قصدینه بیر افعی ایلان دیر!
عشق آفت جان اولدیغون اوندان بیلیرم کیم،
هر کیمسه کی، عاشق دیر، ایشی آه و فغان دیر!
سود ایستمه سودای غم عشقده هرگز
کیم، حاصل سودای غم عشق زیاندیر!
یاخشی گؤرونور صورتی مهوشلرین، امّا
یاخشی نظر ائتدیکده، سرانجامی یامان دیر!
یاد ائتمه قارا گؤزلولرین مردم چشمین،
مردم دئییب آلدانما کیم، ایچدیکلری قان دیر!
گر دئرسه فضولی کی: «گؤزللرده وفا وار»،
آلدانما کی، شاعر سؤزو، البته، یالان دیر.