بینای بقعۀ مقبولی اهل خیره منزلگه

سواد بقعۀ بغداد چشم هفت کشوردیر،
چراغ مردمی نور عدالتدن منوردیر.
قامی اطرافینا آب حیات عدل دیر جاری،
جمیع اهلینه توفیق جمیعیت میّسردیر.
سروری متصل، ذوقی دمادم، نعمتی بی حد،
فضاسی عافیت افزا، هواسی روح پروردیر.
سرور اهلینه زنجیر تعلق هیئت اجزاسی،
سر آفاقه باروی حصاری تاج و افسردیر.
بینای بقعۀ مقبولی اهل خیره منزلگه،
بسیط خاک پاکی اولیاء اللهه بستردیر.
روا دیر اولیا برجی دئمک اول بقعۀ پاکه
کی، هر علامه یه منزلگه و هر علمه مظهردیر.
افاضل بقعه – بقعه خاک پاکین منزل ائتمیش لر،
نظر قیل صفحه – صفحه لوحینه، گؤر کیم، نه دفتردیر.
سواد آفرینش نسخه سیندن بیر ورق دیر کیم،
قوانین عدالت اوندا مرقوم و محرر دیر.
نولا فرهادوش عشاقی اولسا جمله خسرولار،
مبارک صفحه سینده صورت شیرین مصور دیر.
کتاب کایناته صرصر فتنه گذر قیلمیش،
هامان بو صفحه قالمیش باقی اوراقینی ابتردیر.
مکاریه دن حذر، اقباله رغبت قیلماغا دایم،
ملک لر هر طرف دن قاصدی، سانمان کبوتردیر.
زلال معدلت سرچشمه سی اولسا، عجب اولماز،
حریم باریگاه رفعتی ساقی کوثردیر.
بو ملکون شاهد توفیق اقبالی بودور حالا
کی، پاشای سعادتمند اهل مُلکه سرور دیر.
زهی سردار صائب رأی، صاحب عدل، دریا دل
کی، شأ ن و شوکتی اعدایه منصور و مظفردیر.
دئگیل حد بشر حسن عفاف و لطف افعالی،
ملاییک فرقه سیندن بیر عجب ذات مطهردیر.
مجلا دیر غبار ظلمدن مرآت ادراکی،
تعالی الله، نه خوش پاکیزه طبع و پاک جوهردیر.
ضمیر بی ملالی اَصوَب افکاره جولانگه،
وجود بی مثالی احسن افعاله مظهردیر.
ثبات ملکینه برهان یئتر کیفیت عدلی،
عدالت قاندا اولسا مستدام اولماق مقررردیر.
امیر اعدل و اکرم ایاس پاک طینت کیم،
زلال عدل بیرله طینت پاکی مخمردیر.
شها، سن مسند آرای سریر عز و رفعتسن،
طراز اعتبارین صفحۀ دورانه زیوردیر.
جمال انورین دیر آسمان معدلت ماهی
و یا اول ماه کیم، خورشید رخشانه برابردیر.
پناه ملک و ملت سن، سداد حُسن تدبیرین
عدو یأجوجی نین دفعینه بیر سد سکندردیر.
سنه تابع اولان چکمز ملال و محنت عالم،
نه غم ظلمت وهمیندن اونا کیم، خضر رهبردیر.
وئریر جان تیغ خونریزین خیالیله عدو، گویا
خیال تیغ خونریزین اجل مرغینه شهپردیر.
پیام شوکتین یئتدیکجه اعدایی زبون ائیلر،
عزاییم خوانه دیو البته محکوم و مسخردیر.
سنین تیغیندن ایستر بیر جلا کسب ائیله یه حالا،
جاهان آینه سی کیم، گرد محنتدن مکدّردیر.
سنین تحریک رخش اقتداریندان اومار تسکین
بو گونلر دهر کیم، تشویش دن غایتده مضطردیر.
مخالف ظلمت حیرتده قالمیش، عزم جزم ائت کیم،
بو ظلمت دفعی محتاج شعاع تیغ و خنجردیر.
جزایر اهلی طغیان اوزره دیر، عزم ائت کی، شمشیرین
فساد خون فاسد دفعینه خونریز نشتردیر.
عزیمت قیل کی، دوران منتظردیر فتح ذوقینه،
روان اول کیم، زمانه تابع و دشمن محقردیر.
جزایر ملکینی قیل بصره اقلیمینه ملحق کیم،
پیاپی فتح و نصرت نعمت غیر مکرردیر.
سرافرازا، فضولی غیردن قطع نظر قیلمیش،
سنین درگاهینه بیر صادق الاخلاص چاکردیر.
یئتر لطفون اونا دایم، دئگیل حاجت طلب قیلماق،
تردد سوز اولور حاصل نه کیم، حقدن مقدردیر.
امیدیم وار کیم، رأیینجه اولا سیری دورانین،
فضای آسمان تا جلوه گاه سیر اختردیر.