منیم عالمده پریشانلیغیما اولدی سبب

جسم و جان و دل شیدایه اطاعت ائتدیم،
منده بو عالمه اظهار محبت ائتدیم.
جسم آرام، کؤنول کام تاپا، جان راحت
دئیه، اؤز همدمیمی درد ایله محنت ائتدیم.
منیم عالمده پریشانلیغیما اولدی سبب،
هانسی تقدیرایله جمیعیته خدمت ائتدیم،
دوشدیم آسوده ایکن جور و مشقت یولونا،
راحت ایکن هیجانه، غمه عادت ائتدیم.
قیلمادی مشکلومو حل منیم سئودا ده،
ترک سئودایه اودور عزمله همت ائتدیم.

عشق گلدی، دئدی: بو یولدا منم یار سنه،
جسم و جان ایله کؤنول یاندی، بیر اود وردو منه.