حالی دلداده‌لری حالی پریشان ائتمیش

آلنینی آی کیمی چین پرده ده پنهان ائتمیش،
هر اسیر قلب اونی آزادلیغا عنوان ائتمیش.
ترک قیلمیش اونی حسرتله یانان عاشق لر،
سانکی قوشلار، قیش اولوب، ترک گلستان ائتمیش.
انتظارینی چکن لر اوزونه باخماز اونون،
حالی دلداده‌لری حالی پریشان ائتمیش،
قالمامیش اوندا داها بادۀ غفلت اثری،
سرخوش ایمیش، اویانیب، دردینه درمان ائتمیش،
سانکی رؤیاده گداپیشه گؤروبدور، طالع،
چیخاریب تخته اونو، اؤلکه یه سلطان ائتمیش.

حسرتیندن، اویانیرکن اوریی قانه دؤنوب،
هامی عاشق لری بیر جمع پریشانه دؤنوب.