لعلینه قارشی گؤزلریم ائیلر نثار، دورر

لعلینه قارشی گؤزلریم ائیلر نثار، دورر،
لؤلؤ دیش قاتیندا اولور شرمسار، دورر!
تنگ شکرده جانه مفرح دگیلسه، بس
یاقوتی حوققادا نه دیریر، ای نیگار! دورر.
بیر گؤز اوجیله اشکیمه بیر دم نیگاه قیل،
گر گوشوار ایچون دیله سن شاهوار، دورر.
بو گؤی - دنیز گتیرمه‌دی سن دنلی بیر گؤهر
هر شب اگر چه موج اورار صد هزار دورر.
یئر یوزونون داخی یئددی بحرینده سن کیمی،
بالله دوغورمادی صدف روزگار، دورر
بو دورر اشکیمه نظر ائت، کیم بونون تکی،
روی زمینه گلمه‌دی بیر آبدار دورر.
خاک شریف پایینا شاها! بو من گدا،
نظم غریبی‌دن ساچارام بی‌شمار دورر!