منو
گل ای ساقی! گتیر گیل اول می گول رنگ روحانی
گل ای ساقی! گتیر گیل اول می گول رنگ روحانی،
فدادیر خاتم لعلینه یوز مولک سلیمانی.
آرادیم، یئرده و گؤیده تاپیلماز خیضر ایله عیسا،
گؤروبدورلر مگر جانا لبینده آب حئیوانی.
ائشیتمیش آهیمی لاله، جیگر یاخیب خزان اولموش،
حئییف کیم آشیکار ائتدیم اونا بو داغ پنهانی!
منیم اول جان غمگینیمی مندن سورماغیل شاهیم،
که چون دمدیر سنین یادینلا اونوتدوم من اول جانی.
غریبی بی‌دلین دردین، نه حاجت شرح ائدم جانا،
«که هستی در میان جان و می‌دانم که می‌دانی»!
فدادیر خاتم لعلینه یوز مولک سلیمانی.
آرادیم، یئرده و گؤیده تاپیلماز خیضر ایله عیسا،
گؤروبدورلر مگر جانا لبینده آب حئیوانی.
ائشیتمیش آهیمی لاله، جیگر یاخیب خزان اولموش،
حئییف کیم آشیکار ائتدیم اونا بو داغ پنهانی!
منیم اول جان غمگینیمی مندن سورماغیل شاهیم،
که چون دمدیر سنین یادینلا اونوتدوم من اول جانی.
غریبی بی‌دلین دردین، نه حاجت شرح ائدم جانا،
«که هستی در میان جان و می‌دانم که می‌دانی»!