ای کؤنول! گر عیشرت جاوید ائیلرسن هوس
ای کؤنول! گر عیشرت جاوید ائیلرسن هوس،
ریند و مستان خرابات ایله اولگیل همنفس.
ثابت اول بو یولدا، صبر ائت، چک غم هیجرانی کیم.
قورعه سالدیم ایریشیر البته بیر فریادرس!
ایرمهدیم سر منزل جانانه، ای جان! من، ولی،
اینلهشیر نالان اولوب گوشومدا آواز جرس.
حالینی بو خستهی هیجرین سورارسا اول پری،
ای صبا! لوطف ائت خبر وئر کیم هنوز واردیر نفس.
صید ائدیب عشاق عشق، آپاردی کؤنلوم بولبولون،
گرچه کیم شهبازا موشکولدور شیکار اولماق مگس.
قیتلیق اولموش نئچه زنگیزادهلردیر، گل دئریر.
یوخسا لعلینده نیگارا قاندامی دوشموش مگس؟
عاشیق و بیصبر و روسوادیر غریبی، وار، یورو،
عقل سرگردانی تعریف ائتمه زاهیده سؤزو کس!