مشکین خطی او مهرو، بیر گول شكر یازیبدیر
مشکین خطی او مهرو، بیر گول شكر یازیبدیر،
گول أوسته دست قدرت ریحان تر یازیبدیر.
حوسنون صحیفهسینده اول خط و خال و زولفو
جان أوزره اهل معنی پر شور و شر یازیبدیر.
ای کیلک منشی کؤون، شول گون کیمی یوزونده
اسرار «کنت کنزی» سر تا به سر یازیبدیر.
صورت نیگار اشیاء بو لوح عالم ایچره،
بینندهی روخونو صاحب نظر یازیبدیر.
جانا طبیب عشقین درمان دئیو بو درده
دارو یئرینه شربت، خون جیگر یازیبدیر.
وصلین طلب قیلیب من، توشدوم طیلیسم زولفه،
جان نوسخهسینده کؤنلو گؤرسن نهلر یازیبدیر.