دوشر عمانینا عشقین اولان دوردانهدن محفوظ
دوشر عمانینا عشقین اولان دوردانهدن محفوظ،
قاییرماز جانینی هر کیم که اولا جانانهدن محفوظ.
اگر عاشیق بیر ایسترسه، مین ایستر عاشیقی معشوق،
چیراغی سانمایین کی اولمایا پروانهدن محظوظ.
جمالی آفتابیندا شاهین، گل، ذره اول ای جان!
کؤنول ویرانهسین ائت هیمّت شاهانهدن محظوظ.
حریم کعبهی عشقی زیارت ائدن عاشیقلار.
طواف ائیلر بو حنّانی، اولور حنّانهدن محظوظ.
یاساقِ شاه اولوب گرچه گئچیلدی بادهدن امما،
لب لعلین گؤرن لابد اولور پیمانهدن محظوظ
مدامی قویماییب هامی نظردن مست اولور هر دم،
کیم اولسا شؤوقیله اول نرگیز مستانهدن محظوظ.
بیزه افسانه ساتما، قوی بو قیل و قالی، ای زاهید!
دگیلدیر اهل عشق اول قیصّه و افسانهدن محظوظ.
ساتاردی خیرقه و سجادهسین بیر جورعیه زاهید،
اگر عادت اولوب اولسایدی بو میخانهدن محظوظ.
غریبی! سنه هئچ کیم ایلتیفات ائتمزسه، غم چکمه،
که اولماز عاقیل اولانلار ایکن دیوانهدن محظوظ.